Featured Poem:
Cikizwa
Enlarge poem
Featured Poem:
Cikizwa
Yintwazanenomkhith’ukrwec’iliso lomfana esemgama
Ubungath’ub’uyamjong’ungqibelelise yintyatyambo emagqab’
Angavuthulukiyo nasebusika
Kambe sonke sasimlangazelel’ekuhlaleni
Yintlak’emhloph’ihlatywe yimitha yelanga
Nam wand’phandla
Ndiyakhumbula namhla sivumelana
Ndandixhelelw’exhukwana
Ndisithi ndibhaqiwe nakum icham lifikile
Ngob’uCikizwa nda.. ndandimthanda
Akuko nokub’ewayezenza zazindisithakalela
Ew’ebengen’etywaleni bunuke nase mpahleni
Ebey’val’ingqond’avul’imilenze
Kodwa nook kunjalo ndandimthanda
Ndandisithi ndimnqanda ndithibaza
Ndigec’okubi kwindlela azihambayo
Andibize okweqaba ade athi
“Sakhi mna ndity’ubutsha bam tshini”
Suka ndambon’enciph’ape caleni kwam
De wabe uphelela emandlalweni
Kukho cawazan’ithile ndimchwechwela
Ndicing’umchubela mcinjana ndafik’ecambalele kwis’cangca
Ndacimb’ucinezelwe yingcalangcala
Ndamkrweca ndimchukumisa wancwina “Aaah”
Ngcab azazicandekile wayenciph’engumcelu enemicondo
Ndacimb’ucinezelwe yicesina
Ndamcenga ndimncancis’ichiza
Ngelok’ncama ndachankcis’umcinga ne cuba kwisicamagushelo
Ndiceng’ooCirha, ooCwerha bamncazele ngezihlunu
Njenge ndod’omXhosa tyath’idyasi emagxeni
Ndathabath’intonga ndaya kwaba bonayo
Suk’oKhohlelesangweni babik’imbila bebik’ibuzi
Besithi “lomntwana…mmh mhh”
Ndamsa koo gqirha besilungu nabo bemtofatofa
Bamtofatofa bathi ingculaza imgqibile
Zange ndigxeke nto naye torhwana
Ityhosha zaba bhuti naye wayesele ezigqibile
Bendingafunukuthetha ngoCikizwa
Ngob’eyokuthetha ngo Cikizwa iyandikhathaza
Indihlinz’umphefumlo
Mntwan’omntomnyama bendifun’ukuthi unyaw’olungxamayo luyayiphos’indlela
Gawul’ubheka uphek’iqhinga phants’kwenele livuthwe
Kub’ezelihlabathi ziyabuna ziyatshitsha ziyatshabalala
Yen’uCikizwa undishiye ndisamthanda
Translation
This is a poem about a beautiful girl named Cikizwa who was every man’s dream. She used her beauty to get her way with men and made mistakes that led to her catching HIV. The poet speaks of his love for her and the pain of watching the virus eat at her and the efforts he put in fighting her sickness until she finally lost that battle. In the poem he warns the youth how momentary pleasure can be fatal if they don’t think and live their lives according to the future they want.
Yintwazanenomkhith’ukrwec’iliso lomfana esemgama
Ubungath’ub’uyamjong’ungqibelelise yintyatyambo emagqab’
Angavuthulukiyo nasebusika
Kambe sonke sasimlangazelel’ekuhlaleni
Yintlak’emhloph’ihlatywe yimitha yelanga
Nam wand’phandla
Ndiyakhumbula namhla sivumelana
Ndandixhelelw’exhukwana
Ndisithi ndibhaqiwe nakum icham lifikile
Ngob’uCikizwa nda.. ndandimthanda
Akuko nokub’ewayezenza zazindisithakalela
Ew’ebengen’etywaleni bunuke nase mpahleni
Ebey’val’ingqond’avul’imilenze
Kodwa nook kunjalo ndandimthanda
Ndandisithi ndimnqanda ndithibaza
Ndigec’okubi kwindlela azihambayo
Andibize okweqaba ade athi
“Sakhi mna ndity’ubutsha bam tshini”
Suka ndambon’enciph’ape caleni kwam
De wabe uphelela emandlalweni
Kukho cawazan’ithile ndimchwechwela
Ndicing’umchubela mcinjana ndafik’ecambalele kwis’cangca
Ndacimb’ucinezelwe yingcalangcala
Ndamkrweca ndimchukumisa wancwina “Aaah”
Ngcab azazicandekile wayenciph’engumcelu enemicondo
Ndacimb’ucinezelwe yicesina
Ndamcenga ndimncancis’ichiza
Ngelok’ncama ndachankcis’umcinga ne cuba kwisicamagushelo
Ndiceng’ooCirha, ooCwerha bamncazele ngezihlunu
Njenge ndod’omXhosa tyath’idyasi emagxeni
Ndathabath’intonga ndaya kwaba bonayo
Suk’oKhohlelesangweni babik’imbila bebik’ibuzi
Besithi “lomntwana…mmh mhh”
Ndamsa koo gqirha besilungu nabo bemtofatofa
Bamtofatofa bathi ingculaza imgqibile
Zange ndigxeke nto naye torhwana
Ityhosha zaba bhuti naye wayesele ezigqibile
Bendingafunukuthetha ngoCikizwa
Ngob’eyokuthetha ngo Cikizwa iyandikhathaza
Indihlinz’umphefumlo
Mntwan’omntomnyama bendifun’ukuthi unyaw’olungxamayo luyayiphos’indlela
Gawul’ubheka uphek’iqhinga phants’kwenele livuthwe
Kub’ezelihlabathi ziyabuna ziyatshitsha ziyatshabalala
Yen’uCikizwa undishiye ndisamthanda
Translation
This is a poem about a beautiful girl named Cikizwa who was every man’s dream. She used her beauty to get her way with men and made mistakes that led to her catching HIV. The poet speaks of his love for her and the pain of watching the virus eat at her and the efforts he put in fighting her sickness until she finally lost that battle. In the poem he warns the youth how momentary pleasure can be fatal if they don’t think and live their lives according to the future they want.
All work on this website is licensed under a Creative Commons Attribution-NonCommercial-ShareAlike 2.5 South Africa License.
wow am amazed by the poem love it a lot great poem
keep it up tata thixo aksikelele.iyachulumancisa into endiy’vapha
Bawo ndinik’ amehlo de ndimbone udonga dala ngawam amehlo, ndinika amehlo bawo nam ndifumane lonyhweba yokuthetha naye nam ndizuze nto kobo bulumko bakhe. owu hayi bawo ndinik’ amehlo nam elam ilizwi livakala kwimidaka kaphalo njengaye, ndizame nam ukutyeneneza indlela zabantwana bakho ndibacebisa nanjengoko ubhuti Sakhi sele senzile.